БНСУ-ын геологийн холбооны (GSK) 80-р чуулган болон БНСУ-ын геологийн холбоодын намрын хамтарсан хурал 2025 оны 10 дугаар сарын 28-31-ний өдрүүдэд Чэжү аралд болно.

Жил бүр зохион байгуулагддаг энэхүү чуулган “Геологийн шинжлэх ухаанаар дамжуулан бэрхшээлийг даван туулах нь: Аюулгүй тогтвортой ирээдүйг Геологи шийднэ” уриан дор бэлтгэл ажлаа хангаад байна. Чуулганд БНСУ-ын геологийн холбоодоос гадна Америкийн геологийн холбоо, Японы геохимийн холбоо, Тайваний геологийн холбоо, Тайваний байгалийн ухааны үндэсний музей, Монголын геологийн холбоо оролцох юм.

Энэхүү чуулганаар Олон улсын хамтарсан 3, Сэдэвчилсэн судалгааны 10, Цаг үеийн асуудлаар 4, нийт 17 хуралдаан зохион байгуулж, хэлэлцүүлэг өрнүүлэхээс гадна БНСУ-ын Чэжү арал дахь Юнескогийн геопарк, Очанг хот дахь Солонгосын суурь судалгааны төвтэй танилцах боломжтой.

БНСУ-ын геологийн холбоо нь хамтын ажиллагааны хүрээнд манай холбоонд албан ёсны урилга илгээсэн бөгөөд эрхэм геологич, судлаач та бүхнийг дээрх чуулганд хамтран оролцохыг урьж байна. Мөн тухайн чуулганы үндсэн хуралдаанд илтгэл хэлэлцүүлэх боломжтойг дуулгахад таатай байна. 

Жич: МГХ нь 2-3 илтгэл хэлэлцүүлэх оролцогчийн Чэжү арал дахь байрны зардлыг хариуцна.

Дэлгэрэнгүй мэдээллийг https://www.gskorea.or.kr/html/?pmode=english вэб хуудас болон 88051013 дугаараас лавлах боломжтой.